اجدد وصفات الطبخ لفطار رمضان ٧ طرق جديده تميز سفره رمضان

وصفات واكلات جديده وصفات الطبخ في رمضان

معانا النهارده ٧ طرق مختلفه لعمل البطاطس بأشهي المأكولات 

اول َصفه معانا هيا 

• طريقه عمل بطاطس بوريه

المقادير

1. لحمه مفرومه متعصجه 
2. ٢ كيلو بطاطس 
3. ٤ معالق كبيره زبده
4. كوب من الحليب 
5. ٢ بيضه 
6. مقدار مناسب من الملح 
7. مقدار مناسب من الفلفل الأسود 

الخطوات :

اول حاجه هنسلق البطاطس ونقشرها ونهرسها بالشوكه كويس ونبدأ نشتغل فيها وهيا سخنه وتضيف عليها مقادير الزبده والحليب ونقلب كويس لحد ما المكونات تتجانس وتتبل كويس بالفلفل الأسود والملح ونكمل تقليب.               نفرد نص الكميه من البطاطس في قاع صينيه مناسبه بحيث تكون على شكل طبقه مستويه وبعدين نفرد طبقه لحمه مفرومه فوقها ونوزع باقي الكميه على وش الصينيه     نخفق البيض مع كوب الا ربع حليب ورشه ملح وفلفل اسود وندهن وش الصينيه بالتساوي وعادي ممكن نضيف جبنه موتزاريلا أو شيدر. بعد كدا ندخلها الفرن على درجه حراره ١٧٠ لمده نص ساعه لغايه ما تستوي وتاخد اللون الذهبي وبكدا انتهينا من أجمل واشهي وصفه طبخ من وصفات طرق عمل اطباق مختلفه من البطاطس. 

تاني وصفه معانا هيا. 

• طريقه عمل البطاطس اللبنانيه

المقادير 

1. كيلو بطاطس تحمير 
2. ٤ فصوص ثوم 
3. ربع كوب كزبره وحنجره خضراء مفرومه
4. كزبره بس احنا بنهزر حنجره ايه وبتاع ايه هه هه هه 
5. معلقتان زيت زيتون 
6. بابريكا 
7. بودره فلفل احمر حار 
8. ملح وفلفل
9. عصير ليمون 

الخطوات :

هنقطع البطاطس مكعبات صغيره ونقليها في الزيت لحد لغايه اما لونها يبقى دهبي في طاسه تانيه هنحط باقي المكونات ونقلبها كويس ونحط عليها البطاطس ونقلب شويه كمان لغايه اما تتجانس المكونات مع بعضها وبكده بالف هنا أشهى وصفه طبخ لطبق من أطباق طرق عمل البطاطس المختلفه 

ثالث وصفه معانا هيا. 

• طريقه عمل الهاش براونز 

المقادير :

1. ربع كيلو بطاطس مبشور 
2. معلقه كبيره دقيق 
3. معلقه كبيره مسطرده 
4. ٤ معالق زيت 

الخطوات :

هنصفي البطاطس المبشوره من المايه. ونحط عليها الدقيق والمسطرده ونقلبها كويس. وبعدين تشكلها على شكل قرص صغيره ونقلبها في الزيت لغايه اما يبقى لونها دهبي وبكدا انتهت أشهى وصفه اكل هاش براونز البطاطس 

رابع وصفه معانا هيا

• طريقه عمل فارم فريتس 

المقادير :

1. بطاطس صوابع
2. ماء 
3. معلقه صغيره ملح 
4. ٣ معالق كبار خل 

الخطوات :

ننقعها في المايه والملح والخل لمده ساعه وبعدين نقليها في الزيت وبكدا دي ابسط طريقه لعمل طبق فارم فريتس من وصفات طبخ البطاطس المختلفه 

خامس وصفه معانا هيا

• بطاطس محمره بالجبنه 

المقادير :

1. معلقتين زبده 
2. معلقتين دقيق 
3. كوب حليب 
4. كوب جبنه شيدر مبشور 
5. البطاطس حسب الحاجه 

الخطوات :

ندوب الزبده في حله على النار وبعدين نضيف الدقيق ونضربهم باستخدام المضرب اليدوي لغايه ما المكونات تتماسك وتبقى زي العجينه. 

نصب الحليب بالتدريج مع التحريك المستمر 

عند بدايه الغليان نضيف الجبنه الشيدر المبشوره نخلط كويس لحد اما الجبنه تدوب ونقلي كميه البطاطس حسب الحاجه ونوزع الجبنه فوق البطاطس وبكدا انتهت أشهى وصفه من وصفات الطبخ لعمل البطاطس 

سادس وصفه معانا هيا 

• طريقه عمل بطاطس ميكسيكية 

المقادير :

1. كيلو بطاطس مكعبات 
2. معلقه كبيره زيت 
3. بصله مفرومه 
4. ثوم مفروم
5. نصف معلقه صغيره شطه 
6. نصف معلقه صغيره بابريكا 
7. معلقه صغيره كمون 

الخطوات :

هنسلق البطاطس لمده ٥ دقائق وفي طاسه هنسخن الزيت ونشوح البصل وبعدين نحط عليه التوم والتوابل. 

هنصفي البطاطس ونخطها في الطاسه ونقلبها مع باقي المكونات لحد اما تكمل وتستوي وتبقى طريه ودي كانت أشهى وصفه طبخ لعمل البطاطس المكسيكية 

سابع واخر وصفه معانا هيا 

• طريقه عمل بطاطس فريسكاس 

المقادير : 

1. نصف كيلو بطاطس 
2. كوب دقيق 
3. ٢ معلقه كبيره بيكنج بودر 
4. معلقه صغيره ملح 
5. معلقه صغيره فلفل اسود 
6. معلقه صغيره كركم 
7. صوص 
8. ٢ معلقه كبيره مايونيز 
9. معلقه كبيره كاتشب 
10. معلقه كبيره زبادي حبتين خيار مخلل شرائح صغيره 

الخطوات :

نقشر البطاطس ونقطعها صوابع ونخلط الدقيق في بوله مع الشطه والكركم والملح والبيكينج بودر كويس مع شويه مياه صغيرين. 

نقلب البطاطس في خليط الدقيق كويس وندخلها التلاجه نص ساعه قبل القلي. 

نقلي البطاطس في الزيت لحد اما لونها يبقى ذهبي. 

لعمل الصوص : نخلط المايونيز والكاتشب والزبادي والخيار المخلل كويس في بوله صغيره ونقدم البطاطس مع الصوص 

وبس كدا خلصت كل وصفات الطبخ لعمل أشهى الأنواع المختلفه من البطاطس.