سبب ظهور جلد الوزة :
السبب هو تراكم بروتين الشعر فى مسام الجلد، طيب ايه اللى يخلى البروتين يتراكم فى المسام ؟! طبعا عدم إزالة الطبقة اللى بتتكون على الجلد بشكل مستمر بالإضافة إلى عدم الترطيب وبالتالى الشعر لما يبدأ ينمو ميقدرش يخرج من المسام فالشعراية تلتف حول نفسها داخل المسام وتعمل حبوب.
افضل علاج لجلد الوزة:
بما اننا فهمنا السبب وهو عدم التقشير لطبقة الاوساخ اللى بتتكون من الجلد الميت على البشرة ، وعدم الترطيب .
اسرع علاج لجلد الوزة المزعج هو التقشير بشكل دورى ، بنعمل تقشير ازاى ؟!
متستغربيش بنعمل تقشير بحجر الرجل الموجود عند العطار أو البديل ليه هو الdry brush او ما تسمى بفرشاة التقشير الجاف .
ازاى استخدم حجر الرجل للتخلص من جلد الوزة؟
عشان التقشير يجيب نتيجة لازم يكون مسام الجلد مفتوحة وده بيكون من خلال اخذ حمام دافىء والجلوس فى البخار لمدة لاتقل عن ربع ساعة ، بعد كده بنستخدم الصابون على المكان المحدد ويفضل يكون صابون نابلسي شاهين المصنوع من زيت الزيتون ونستخدم الحجر على المكان بشكل دائرى وبهدوء عشان الجلد ما يتجرحش .
بعد الانتهاء من الحمام ضرورى جدا جدا نستخدم مرطب قوى فيه خيارات كتير طبعا بس الأرخص وله نتيجة كويسة هو الفازلين أو كريم كارباميد .
إرسال تعليق